Mourinho: Pep trajner ideal për Barcelonën
Trajneri i ri i Real Madridit, Jose Mourinho ka folur për gazetën spanjolle El Pais Semanal dhe nuk e ka fshehur respektin e tij për trajnerin e Barcelonës, Pep Guardiola.
Shumica me shumë rezervë e pritën përcaktimin e Juan Laporta si pasues të Frank Rijkaard, për shkak të mungesës së përvojës. Por strategu befasoi duke fituar të gjithë titujt e mundshëm në vitin e parë të tij si trajner i Barcelonës.
Jose Mourinho, i cili tash është rivali kryesor i Guardiolës, po ashtu ka shprehur admirimin për spanjollin dhe ka thënë se ai do t’i ofronte marrëveshje dhjetëvjeçare atij, nëse do të ishte në stolin drejtues të klubit katalanas.
“Pep është trajner i përkryer për Barcelonën. Ai është katalanas, ai është i lundur atje, ai është mik i Cruiff dhe fansat e duan shumë. Kur Sandro Rosell u caktua president i ri dhe i ofroi marrëveshje gjashtëvjeçare – unë do t’i ofroja marrëveshja 10-vjeçare”, ka thënë Mourinho.