Forum
Kërko
Skuadra e Barcelonës ka arritur të mbrojë titullin në Ligën e Spanjës pas fitorës prej 4-0 ndaj Valadollidit në Camp Nou dhe barazimit të Realit si musafir i Malages.Kjo i ka mundësuar klubit katalan që për herë të dytë rradhazi të shpallet kampion nën drejtimin e Pep Guardiola.
Edhe pse Barca e filloi vështirë ndeshjën sigurisht duke ndjerë presionin e ndeshjës,arriti ta mbyllte në mënyrën më të mirë.Në 10-të minutat e para të lojës skuadra e Barcelones dukej e hutuar e më pas la skuadrën musafire të krijonte rastet e saja.Gjithsesi klubi më i fortë në botë arriti shpejtë ta merrte vetën dhe të fillonte sulmet e pandalshme të saj.Kështu,goli i parë arriti në minutën e 21-të kur Pedro lëshoi një top në zonë të cilin e devijoi në rrjet për autogol Luis Prieto.
Goli i dytë ishte një aksion sic i ka hije klubit katalan.Një kombinim mes Messit dhe Alves e disa driblime të "pleshtit magjik" gjetën Pedron e lirë i cili me një goditje të lehtë dërgoi topin në rrjetën e Jakobos,duke dhënë sinjale prej kampioni.
Barcelona vazhdoi të sulmonte ende por nuk pati më gola në pjesën e parë.Fillimi i pjesës së dytë dukej i qetë.Në minutën e 62-të pas driblimeve të Yaya Toure dhe asistimit të tij,lojtari më i mirë në botë Messi dërgoi topin në rrjetë për të 33-tën herë këtë sezon në La Liga.Edhe goli i dytë erdhi nga asistimi i Toure për Messin i cili u tregua perfekt duke dribluar dy lojtarë kundërshtar dhe duke dërguar topin në rrjetë (min 76-të).
Gola të tjerë nuk pati dhe kështu Barcelona fitoi trofeun e 20-të në histori të saj me një rekord pikësh gjithsejtë 99.
!